በኢትዮጵያ የግንባታ ስራዎች ባልተገባ መንገድ በተወሰኑ ስራ ተቋራጮች እጅ እየገባ መሆኑን የኢትዮጵያ ኮንስትራክሽን ስራ ተቋራጮች ማህበር አስታወቀ።

በመሰረተ ልማት ስራዎች ዙሪያ እየተፈጠሩ ያሉ ተግዳሮቶች በተገቢው ሁኔታ ስራ መስራት እንዳልችል አድርጎኛል ሲል የኢትዮጵያ ኮንስትራክሽን ስራ ተቋራጮች ማህበር አስታወቀ፡፡ ማህበሩ በስራ ሂደት እየገጠሙኝ ነው ባላቸው የስራ መስኮች ዙሪያ ለመገናኛ ብዙሃን መግለጫ ሰጥቷል፡፡

ማህበሩ በተለያዩ የግንባታ ዘርፎች መንግስታዊ ግዥ ፈጻሚ መስሪያ ቤቶች በኩል ከሚታዩ የኢፍትሃዊ የግንባታ ግዥ አፈጻጸም ጀምሮ እየተከናወኑ ያሉ ግንባታዎች በተወሰኑ ድርጅቶች ብቻ እንዲገነቡ የመፍቀድ ሁኔታዎች መበራከታቸው ግንባታዎችን ከማጓተቱ ባለፈ ለተለያዩ ብልሹ አሰራሮች እንዲጋለጥ እንዳደረገው ማህበሩ አስታውቋል፡፡